Heb 1 | AAK | STEP | Gorɨxo eŋíná wí̵á rókiamoagí̵áwa rí̵wamɨŋí̵ earo xɨxegí̵nɨ ero egí̵ápimɨ dánɨ xí̵oyá xwɨyí̵á negí̵ arí̵owe'yo ayá wí nura nɨbayíɨsáná

Hebrews 1

“Ríná Gorɨxo xegí̵ xewaxo eŋí̵pimɨ dánɨ nearɨŋí̵rɨnɨ.” urɨŋí̵ nánɨrɨnɨ.

1 Gorɨxo eŋíná wí̵á rókiamoagí̵áwa rí̵wamɨŋí̵ earo xɨxegí̵nɨ ero egí̵ápimɨ dánɨ xí̵oyá xwɨyí̵á negí̵ arí̵owe'yo ayá wí nura nɨbayíɨsáná 2 agwɨ sí̵á yoparí̵yí̵ tí̵ŋí̵ ríná xegí̵ xewaxo xwɨyí̵á rɨrɨ amɨpí wíwapɨyemerɨ eŋí̵pimɨ dánɨ nearɨŋí̵rɨnɨ. Xegí̵ xewaxo amɨpí imónɨŋí̵pɨ nɨpɨnɨ nánɨ xiáwo imóní̵wɨnɨgɨnɨrɨ urí̵peaŋorɨnɨ. Omɨ dánɨ aŋí̵na tí̵nɨ xwí̵árí tí̵nɨ imɨxɨŋí̵rɨnɨ. 3 O Gorɨxo nikí̵nɨrɨ seáyɨ e imónɨŋí̵pɨ axí̵pɨ enɨ aupákí̵kí̵ inarɨŋorɨnɨ. Xano yapɨ pákíní̵ imónɨŋorɨnɨ. Sogwí̵ siŋí̵ emá amɨpí nɨpɨnɨ oyá xwɨyí̵á eŋí̵ eánɨŋí̵ rɨŋí̵pimɨ dánɨ xomaxí̵nɨŋí̵ yárɨnɨŋagɨ nánɨ xegí̵ imónɨŋí̵pa sɨnɨ imónɨnɨ. Xewanɨŋo í̵wí̵ ámá yarɨgí̵ápɨ nánɨ yokwarɨmí̵ wiipaxí̵ oimónɨrɨ nɨwiárɨmáná nɨpeyirɨ Ŋwí̵á seáyɨ e'mɨ imónɨŋoyá we' náu'mɨnɨ e'í̵ ŋweanɨ.

“Gorɨxomɨ xewaxo aŋí̵nají̵yo seáyɨ e mu'rónɨnɨ.” urɨŋí̵ nánɨrɨnɨ.

4 Gorɨxo o e imóní̵wɨnɨgɨnɨrɨ nurí̵pearɨ nɨwimɨxɨrí̵ná aŋí̵nají̵ e imóní̵í̵rɨxɨnɨrɨ urí̵peaŋí̵pimɨ aga seáyɨ e wiárí̵ imónɨŋí̵pɨ tí̵nɨ xɨxenɨ seáyɨ e wimɨxɨŋí̵rɨnɨ. 5 Omɨ Bɨkwí̵yo nɨrɨnɨrɨ eánɨŋí̵ rɨpɨ Gorɨxo urɨŋí̵pa aŋí̵nají̵ gɨyo axí̵pɨ urɨŋí̵rɨnɨ, “Joxɨ rɨxa gí̵ íwoxɨ oimónɨrɨ simɨxí̵árɨnɨ. Agwɨ ríná joxí̵nɨŋí̵ semeáárɨnɨ.” E urɨŋí̵pa aŋí̵nají̵ gɨyo axí̵pɨ urɨŋí̵rɨnɨ? Oweoɨ, wí e murɨŋí̵rɨnɨ. Xewaxo nánɨ ámɨ bɨ re rɨŋí̵pa aŋí̵nají̵ gɨyí̵ nánɨ axí̵pɨ rɨŋí̵rɨnɨ, “Nionɨ xegí̵ xanonɨ imónɨmí̵ɨnɨ. O gí̵ íwo imónɨnɨŋoɨ.” rɨŋí̵pa axí̵pɨ aŋí̵nají̵ gɨyí̵ nánɨ rɨŋí̵rɨnɨ? Oweoɨ, wí e mɨrɨŋí̵ eŋagɨ nánɨ “O ayo seáyɨ e wimónɨnɨ.” nɨrɨrɨ eaarɨŋɨnɨ. 6 Xegí̵ niaíwí̵ xámí̵nɨŋí̵ emeaŋomɨ xwí̵á rɨrímɨ nánɨ wí̵re'napɨnɨ nánɨ nimónɨrí̵ná Bɨkwí̵yo nɨrɨnɨrɨ eánɨŋí̵ rɨpɨ enɨ rɨŋɨnigɨnɨ, “Aŋí̵nají̵ Gorɨxonɨyáyí̵ ní̵nɨ omɨ nupí̵kínɨmearo seáyɨ e ume'í̵rɨxɨnɨ.” rɨŋí̵ eŋagɨ nánɨ o seáyɨ e wimónɨnɨ. 7 Aŋí̵nají̵ nánɨ Bɨkwí̵yo re nɨrɨnɨrɨ eánɨnɨ, “Gorɨxo xegí̵ aŋí̵nají̵ —Ayí̵ xí̵o sekaxí̵ urí̵í̵pɨ tí̵nɨ xɨxenɨ seáyí̵ wiipí̵rɨ nánɨ imónɨgí̵áyí̵rɨnɨ. Ayí̵ imɨŋí̵nɨŋí̵ imóní̵í̵rɨxɨnɨrɨ wimɨxɨrɨ rí̵á ápiáwí̵nɨŋí̵ imóní̵í̵rɨxɨnɨrɨ wimɨxɨrɨ yarɨŋí̵rɨnɨ.” Aŋí̵nají̵ nánɨ e nɨrɨnɨrɨ eánɨŋagɨ aiwɨ 8 xewaxo nánɨ re nɨrɨnɨrɨ eánɨnɨ, “Gorɨxoxɨnɨ, dɨxí̵ ámáyo numeŋwearí̵ná ná rí̵wí̵yo aí sɨnɨ axí̵pɨ anɨŋí̵ umeŋwearɨ pí pí we' rónɨŋí̵ imónɨŋí̵pɨ tí̵nɨ xɨxenɨ nerɨ umeŋwearɨ erí̵árɨnɨ. 9 Joxɨ we' rónɨŋí̵pɨ nánɨ simónɨrɨ unií̵pɨ nánɨ mɨsimónɨpa erɨ yarɨŋagɨ nánɨ Gorɨxonɨ dɨxí̵ Ŋwí̵áonɨ nɨrɨrí̵pearɨ ámá dɨxí̵ imónɨgí̵áyo seáyɨ e simɨxí̵agɨ nánɨ dɨŋí̵ nií̵á sinarɨnɨ.” E nɨrɨnɨrɨ eánɨŋagɨ nánɨ “Xewaxo aŋí̵nají̵yo seáyɨ e rí̵a wimónɨnɨ?” yaiwipaxí̵rɨnɨ. 10 Xewaxomɨ urɨŋí̵ rɨpɨ enɨ nɨrɨnɨrɨ eánɨnɨ, “Ámɨnáoxɨnɨ, iwamí̵ó dánɨ amɨpí ní̵nɨ wí sɨnɨ mimónɨŋáná joxɨ xwí̵á rɨrí ikwí̵rorɨ aŋí̵na dɨxí̵ we' tí̵nɨ imɨxɨrɨ eŋí̵rɨnɨ. 11 Apɨ aní̵nɨní̵á eŋagɨ aiwɨ joxɨ sɨnɨ anɨŋí̵ miní̵ ŋwearí̵árɨnɨ. Aŋí̵na tí̵nɨ xwí̵árí tí̵nɨ iyí̵á nɨpánoyí̵ urí̵ nerí̵ná yarɨŋí̵pánɨŋí̵ imónáná 12 joxɨ iyí̵á nɨxoperɨ tarɨgí̵ápa axí̵pɨ e tɨrí̵árɨnɨ. Ámá iyí̵á uru' emɨ nɨmorɨ sɨŋí̵ wu' pánarɨgí̵ápa axí̵pɨ aŋí̵namɨ tí̵nɨ xwí̵árímɨ tí̵nɨ e imɨxɨrí̵árɨnɨ. E nerɨ aí joxɨ imónɨŋí̵pɨ anɨŋí̵ miní̵ sɨnɨ axí̵pɨ nimónɨrɨ xwiogwí̵ dɨŋí̵ nɨmorɨ í̵á ropaxí̵ mimóní̵ nɨpwerɨ aí joxɨ wí mɨpepa erí̵árɨnɨ.” Xewaxomɨ e nurɨrɨ aí 13 ámɨ axomɨ re urɨŋí̵pa aŋí̵nají̵ gɨyo enɨ urɨŋí̵rɨnɨ, “Nionɨ ámá joxɨ sí̵mí̵ tí̵nɨ siarɨgí̵áyo xopɨrárí̵ nɨwirɨ íkwiaŋwí̵ dɨxí̵ sɨkwí̵ ikwiárɨrí̵ánánɨŋí̵ simɨxɨyimí̵á íná nánɨ nionɨ imónɨŋápa xɨxenɨ axí̵pɨ nimónɨrɨ gí̵ we' náu'mɨnɨ e'í̵ nɨŋwearɨ wenɨŋí̵ nerɨ ŋweaɨ.” Xewaxomɨ e urɨŋí̵pa aŋí̵nají̵ gɨyo axí̵pɨ urɨŋí̵rɨnɨ? Oweoɨ. 14 Xewaxo rɨxa e imónɨŋo eŋagɨ aiwɨ aŋí̵nají̵ ní̵nɨ ayí̵ sa kwíyí̵yí̵rɨnɨ. Gorɨxo sekaxí̵ urí̵í̵pɨ xɨxenɨ seáyí̵ wiipí̵rɨ nánɨ imónɨgí̵áyí̵rɨnɨ. Ámá xí̵o xegí̵ yeáyí̵ uyimɨxemeaní̵áyo arɨrá uwiipí̵rɨ nánɨ urowárarɨŋí̵yí̵rɨnɨ.